Föstudaginn 22. janúar var árleg Þorragleði haldin hátíðleg í Ísaksskóla. Þá komu börnin mörg hver í lopapeysu eða öðrum þjóðlegum klæðnaði. Þorralögin voru sungin og ómuðu allan skóla. Að lokum fengu börnin að smakka ekta þorramat sem þeim þótti bæði framandi og fyndið að fylgjast með hvort öðru renna niður sviðasultu, lundabgga, hákarli og hrútspungum svo eitthvað sé nefnt.  

Þorragleði verður föstudaginn 22. janúar. Þá mega allir koma í lopapeysu eða þjóðlegum klæðnaði. Þorralögin verða sungin um allan skóla og börnin fá að smakka þorramat. Þemadagar verða miðvikudaginn 27. og fimmtudaginn 28. janúar. Þessa tvo daga verður allt skólastarf brotið upp fram að hádegi. Þemað í ár er þjóðsögurnar. Með hlýjum vetrarkveðjum, starfsfólk Ísaksskóla